वाट पहातो...
वाट पहातो...
डोहाच्या शांतकिनारी
आंब्याच्या झाडाखाली
रोज तुझी मी वाट पहातो
पाण्यामधे पाय सोडता
पाण्यावरी तरंग उठतो
बुडबुडा आशेचा फुटतो
रोज तुझी मी वाट पहातो
पक्ष्यांना मी साद घालतो
कोकिळेला सूर मागतो
आठवणींचे गीत गातो
रोज तुझी मी वाट पहातो
पश्चिमेला सूर्य कलतो
भावनांना बांध घालतो
तरी अश्रूंचा पूर येतो
रोज तुझी मी वाट पहातो
--जयंत विद्वांस
No comments:
Post a Comment