पंधरा एक वर्ष झाली. माझ्या नात्यातल्या दोन माणसांनी काम केलेल्या हौशी संचाचा 'नटसम्राट'चा प्रयोग होता चिंचवडला. मी दत्ता भट, लागूंचं पाहिलंय. त्यामुळे ते डोक्यात फिट होतं. याचा अर्थ नविन बघायचं नाही, असं नाही. तुलना नकळत होतेच पण ती बाजूला ठेऊन ही बघता येतं. तर त्यांचे आधी साताठ प्रयोग झाले होते. पास मिळत असतानाही मी आणि बायको पुढचं तिकीट काढून गेलो होतो. कुणी हौसेपोटी पदरमोड करून काही करत असेल तर आपण तोशीस लावून घ्यायला हवी असं माझं मत. सगळी कलाकारांच्या ओळखीतली माणसं होती आलेली प्रेक्षक म्हणून. एखाद दुसरा बाहेरचा जाहिरात बघून आलेला. जेमतेम पन्नास माणसं असतील. पहिल्या तीन रंग कशाबशा भरतील एवढी.
--जयंत विद्वांस
No comments:
Post a Comment