वेड (?)….

वेड (?)….
सोनुल्या उठ बलं, वाजलेत बघ किती
किती झोपतोश, आलशी मुग्गा नुसता
आज बाबाला हाफडे, येईल आत्ता
आवल्लेलं नसेल तर कटकट करेल

चला, तापलेलं पाणी गाल होईल पलत
शगले कपले ओले केलेस ना, लब्बाड
असू दे, आता शगलच बदलून टाकू
बाबा येईपर्यंत पोग्गा तय्याल होणाल

कित्ती शानं बाळ, हु की चू नाही तेल लावताना
चांगलं मालिश कलू दे, जिरलं बघ तेल शगलं
गलम गलम पाण्यानी शंभोला मज्जा ना शोनू?
आता मऊ मऊ फक्क्यानी पुशलं की झ्यालं

पावडल लावू, टीटी लावू, काजळ घालू
आणि मग नवीन नवीन लाल फ्लाक
कित्ती गोल दिशतोष ले बिंडूकल्या तू
ललत नाहीये काही, आनंद झालाय मला
….……

जायचय का परत दवाखान्यात कायमचं रहायला ?
काय ठरलं होतं आपलं? नाही कळत का तुला?
असे किती बाहुले खराब करणार आहेस अजून?

…. नाही रे, कळतं मला, पण काय करु? तूच सांग.

जयंत विद्वांस