पहिली रात्रं (U) . . . . .
ए, तुला काय काय आठवतं?
वाचलं होतं तसा काटा बिटा,
हसू नको, आहे लक्षात
थंडी इतकी होती, अंगभर कपडे
प्रवासात खेटून बसलो पण
स्वेटरला स्वेटर लागून
काटा काय येणार डोंबल.
हॉटेल मधे स्थिरावल्यावर
तू खरंखुरं लाजलीस बिजलीस
आले रे चेंज करून म्हणत तू
गुलाबी साडी वगैरे नेसून आलीस
पण कुडकुडत, दात वाजवत
माझंच चुकलं, (ते नेहमीचंच म्हणा)
जवळ घेऊन पण थंडी तशीच म्हणून
खूप अक्कल ना, ते दाखवायला
दोन स्कॉच ऑन द रॉक्स
तुलाही वाटलं, करूयात ट्राय
अर्ध्या तासात तू समाधिस्थ
मी भक्तासारखा पायापाशी बसून
मलाही लागली म्हणा झोप नंतर
अरे, उठवायचं नाहीस का? म्हणत
तू मला गदागदा हलवलस
लोक उगाच 'पहिल्या रात्रीची' वर्णनं करतात
नंतरचा दिवस आपण 'सत्कारणी' ला
सांगू? नको? बरं नाही सांगत पण
सगळ्यांनीच असं केलं तर कसं चालेल
'पहिल्या रात्री' एवढाच
'पहिला दिवस' पण भन्नाट असतो
हे कसं कळेल?
--जयंत विद्वांस
(सिक्वेल काढूयात काय? :P )
No comments:
Post a Comment