आधी ते सांगा. . . . .
लोक म्हणतात एवढे पावसाळे
आम्ही काही उगाच नाही पाहिले
पण नुसतेच पाहिलेत, त्यात
भिजलात किती? ते सांगा
पावसात म्हणे चिखल फार
तो काय धुवाल हो पाण्यानी
विकारांचा बरबटलेला चिखल
तो कशानी धुता? ते सांगा
बाहेरच्या पावसाचं काय सांगताय
रेनकोट घालता येतो की
पण आतून रडता तेंव्हा कुठला
रेनकोट घालता? ते सांगा
दोघच असता तेंव्हा पाऊस छान
तुमच्या खांद्यावर तिची मान
पावसाचा एरवी राग म्हणून तिला
दूर लोटता की जवळ घेता? ते सांगा
--जयंत विद्वांस
No comments:
Post a Comment