काही खरं नाही.....

सारखं सारखं असं समोरून जाणं बरं नाही 

सारखं सारखं असं चोरून बघणं बरं नाही 

मनाचं काय सांगावं, त्याचं काही खरं नाही 

सारखं सारखं असं नटणं मुरडणं बरं नाही 

वय सत्रात मदन गात्रात काही खरं नाही 

सारखं सारखं असं बटांशी खेळणं बरं नाही 

कापूरदेह त्यात अंगात वसंत काही खरं नाही

सारखं सारखं असं सतत भुलवणं बरं नाही 

चालीला लय, कळीचं वय काही खरं नाही 

सारखं सारखं असं जलद उमलणं बरं नाही 

जयंत विद्वांस