तिन्हीसांजेला देवापाशी दिवा
आताशा लावत नाही
एकांताला माझ्यापाशी सावलीलाही
नेत नाही
कोण कुणाचे, आशा कुणाची
दिवस संपला, आशा उद्याची
मरण आजही येणार नाही
....दिवा आताशा लावत नाही
जुळता जुळता तुटले गेले
मिळता मिळता लुटले गेले
शल्यं तुला कळणार नाही
....दिवा आताशा लावत नाही
गुन्हा असा तो काय घडला
पुन्हा तुझा पाय न वळला
मार्ग आता मिळणार नाही
....दिवा आताशा लावत नाही
जयंत विद्वांस
No comments:
Post a Comment